大家好，我係籃球宅籃，90後NBA狂迷，醉心研究各NBA球隊補強或重建策略。個人終極FF目標係可以加入NBA球隊Front Office參與組隊決策。
唔講太多廢話，直接入戲肉。第十五集接住講下西區球隊--明尼蘇達木狼。
木狼最終有驚無險地打入西岸前八，13年黎首次晉身季後賽。相比底下，76人既重建速度已經算幾快，塞爾特人既重建直頭係神速添。狼來了講左咁多年，今次終於真係黎。木狼三巨頭第一季磨合就可以有57%勝率算叫做交到差架啦，只係西區實在太恐怖，所以先要掹車邊入季後賽。
今夏木狼將會有五位球員可以離隊，包括有Derrick Rose，Nemanja Bjelica，Aaron Brooks，Marcus Georges-Hunt同有球員選項既Jamal Crawford。
先講本文重點Derrick Rose。其實我每次見到呢個名，都忍唔住嘆氣。作為LBJ球迷既我，當年睇東冠公牛對熱火，真係覺得佢唔係地球人。唔好講話要守住佢，淨係用對眼睇住佢都睇唔切，佢真係話過你就過你。呢個亦都係我嘆氣既原因，因為佢係我目睹最大既NBA流星。雖然以前上網睇過Penny Hardaway或者係Grant Hill既故事，但係因為無經歷過佢地既巔峰時期，所以無咩特別感覺。但係Derrick Rose由新秀起就有留意，睇住佢成為最年輕MVP，再睇住佢斷ACL。作為旁觀者都覺得心有不甘，滿心期望佢再上一層樓既表現，點知天意弄人將佢橫腰折翼。上季係紐約人都叫打得幾好，讓半速都有18分。只可惜當時紐約人管理層非常混亂，導致五星戰隊計劃提前告終，Derrick Rose亦當然唔敢繼續留隊。今季係騎士雖然少左出場時間，但係效率依然唔錯，只係估唔到爵士會捨棄佢。其實以佢既身手，擔任Ricky Rubio既後備絕對勝任，唔明點解連一場機會都唔俾就直接放棄。黎到木狼夾番舊隊友Jimmy Butler，Taj Gibson 同恩師Tom Thibodeau，希望透過打番熟悉既體系從而回復狀態。目前只為木狼上陣9場，好難去講成唔成功。好彩球隊打入季後賽，Derrick Rose可以有更多時間表現。站係球員角度，個人認為Derrick Rose既然紆尊降貴簽底薪合約，倒不如去下游球隊爭取做正選。目前鷹隊魔術都無明確既正選控球後衛，Derrick Rose大可以短簽一年以爭取穩定上陣時間。站係木狼角度，重簽Derrick Rose可以於關鍵時間出場壓陣，但由於隊中有新秀Tyus Jones，Derrick Rose既上陣時間唔會好多。薪酬空間已爆滿既木狼亦無辦法為佢提供太多薪水，相信除非Derrick Rose願意接受400萬以下價碼，否則木狼未必會提高價碼留人。
另一位非常重要既第六人Jamal Crawford今夏會有球員選項。已經38歲既佢身手一d都無老化，場均10.3分2.3助攻，命中率41.3%比前兩季都要高。不過教練Tom Thibodeau出名操爆正選，所以Jamal Crawford既上陣時間自然會被壓縮，今季平均上陣20.7分鐘係繼新秀年以黎最少。Jamal Crawford既心態除左求冠之外，當然希望可以有穩定上陣時間。以Jamal Crawford過去既表現，相信唔少季後賽球隊都垂涎三尺。木狼要留住佢，就要提供明確既戰術定位同確保上陣時間，否則相比其他季後賽球隊，木狼根本無談判優勢。
後備大前鋒 Nemanja Bjelica今夏亦同樣約滿。作為主要輪換陣容成員之一既佢，今季平均上陣20.5分鐘，攞到6.8分4.1籃板，係後備成員中次高得分。因為有外圍得分能力，可以擔任stretch four 幫Karl-Anthony Towns拉空內線。奈何木狼受薪酬空間飽和困擾，只可以維持現有人工，一紙稅後中產合同 (約400萬)。不過Nemanja Bjelic又未算係搶手貨，加上由進入NBA至今一直效力木狼，再續約機會唔細。
至於Aaron Brooks同Marcus Georges-Hunt，今季場均都只有五分鐘上陣時間，個人唔建議續約，倒不如騰出位置予今年新秀發揮。今夏木狼手握20號順位同48號順位選秀權。以近幾年木狼嘅選秀眼光，成功挑選新星既機會唔細。
近年木狼選秀記錄
2017 - Lauri Markkanen
2016 - Kris Dunn
2015 - Karl Anthony Towns
2014 - Zach LaVine
2013 - André Roberson
至於清人方面，主要以Gorgui Dieng 同Cole Aldrich為主。因為Taj Gibson既加盟，上季擔任正選大前鋒既Gorgui Dieng今季只好退居後備。場均上陣時間由上季既32.4分鐘大減一半至16.9分鐘，得分亦下降至5.9分。其實佢效率上都保持到上季水準，只係由於下季人工高達1500萬，重要剩餘三年約，對於木狼未來既發展造成制肘。Karl-Anthony Towns下季後就會完成新秀合約，到時勢必要開出頂薪合同。個人建議木狼應該趁著Gorgui Dieng仍然年輕健康，盡早將佢交易以清出薪酬空間，等球隊有多d彈性簽入合適球員。以Gorgui Dieng既表現，相信未必需要動用到首輪選秀權先吸引到其他球隊。另一位正宗冗員Cole Aldrich，今季場均0.6分0.7籃板，但係年薪就高達730萬美元。自加盟木狼兩季以黎，總共上陣83場，得117分173籃板。幸好下季人工只有200萬係受保障，預計季後賽後木狼勢必會裁減佢。
今個夏天對木狼黎講非常重要，萬一唔能夠成功清出薪酬空間，好難可以留低Jamal Crawford同 Derrick Rose。最後衷心希望Derrick Rose可以有更多上陣時間，慢慢回復狀態，打到MVP時期既七成表現小弟已經心滿意足。
唔講太多廢話，直接入戲肉。第十五集接住講下西區球隊--明尼蘇達木狼。
木狼最終有驚無險地打入西岸前八，13年黎首次晉身季後賽。相比底下，76人既重建速度已經算幾快，塞爾特人既重建直頭係神速添。狼來了講左咁多年，今次終於真係黎。木狼三巨頭第一季磨合就可以有57%勝率算叫做交到差架啦，只係西區實在太恐怖，所以先要掹車邊入季後賽。
今夏木狼將會有五位球員可以離隊，包括有Derrick Rose，Nemanja Bjelica，Aaron Brooks，Marcus Georges-Hunt同有球員選項既Jamal Crawford。
先講本文重點Derrick Rose。其實我每次見到呢個名，都忍唔住嘆氣。作為LBJ球迷既我，當年睇東冠公牛對熱火，真係覺得佢唔係地球人。唔好講話要守住佢，淨係用對眼睇住佢都睇唔切，佢真係話過你就過你。呢個亦都係我嘆氣既原因，因為佢係我目睹最大既NBA流星。雖然以前上網睇過Penny Hardaway或者係Grant Hill既故事，但係因為無經歷過佢地既巔峰時期，所以無咩特別感覺。但係Derrick Rose由新秀起就有留意，睇住佢成為最年輕MVP，再睇住佢斷ACL。作為旁觀者都覺得心有不甘，滿心期望佢再上一層樓既表現，點知天意弄人將佢橫腰折翼。上季係紐約人都叫打得幾好，讓半速都有18分。只可惜當時紐約人管理層非常混亂，導致五星戰隊計劃提前告終，Derrick Rose亦當然唔敢繼續留隊。今季係騎士雖然少左出場時間，但係效率依然唔錯，只係估唔到爵士會捨棄佢。其實以佢既身手，擔任Ricky Rubio既後備絕對勝任，唔明點解連一場機會都唔俾就直接放棄。黎到木狼夾番舊隊友Jimmy Butler，Taj Gibson 同恩師Tom Thibodeau，希望透過打番熟悉既體系從而回復狀態。目前只為木狼上陣9場，好難去講成唔成功。好彩球隊打入季後賽，Derrick Rose可以有更多時間表現。站係球員角度，個人認為Derrick Rose既然紆尊降貴簽底薪合約，倒不如去下游球隊爭取做正選。目前鷹隊魔術都無明確既正選控球後衛，Derrick Rose大可以短簽一年以爭取穩定上陣時間。站係木狼角度，重簽Derrick Rose可以於關鍵時間出場壓陣，但由於隊中有新秀Tyus Jones，Derrick Rose既上陣時間唔會好多。薪酬空間已爆滿既木狼亦無辦法為佢提供太多薪水，相信除非Derrick Rose願意接受400萬以下價碼，否則木狼未必會提高價碼留人。
另一位非常重要既第六人Jamal Crawford今夏會有球員選項。已經38歲既佢身手一d都無老化，場均10.3分2.3助攻，命中率41.3%比前兩季都要高。不過教練Tom Thibodeau出名操爆正選，所以Jamal Crawford既上陣時間自然會被壓縮，今季平均上陣20.7分鐘係繼新秀年以黎最少。Jamal Crawford既心態除左求冠之外，當然希望可以有穩定上陣時間。以Jamal Crawford過去既表現，相信唔少季後賽球隊都垂涎三尺。木狼要留住佢，就要提供明確既戰術定位同確保上陣時間，否則相比其他季後賽球隊，木狼根本無談判優勢。
後備大前鋒 Nemanja Bjelica今夏亦同樣約滿。作為主要輪換陣容成員之一既佢，今季平均上陣20.5分鐘，攞到6.8分4.1籃板，係後備成員中次高得分。因為有外圍得分能力，可以擔任stretch four 幫Karl-Anthony Towns拉空內線。奈何木狼受薪酬空間飽和困擾，只可以維持現有人工，一紙稅後中產合同 (約400萬)。不過Nemanja Bjelic又未算係搶手貨，加上由進入NBA至今一直效力木狼，再續約機會唔細。
至於Aaron Brooks同Marcus Georges-Hunt，今季場均都只有五分鐘上陣時間，個人唔建議續約，倒不如騰出位置予今年新秀發揮。今夏木狼手握20號順位同48號順位選秀權。以近幾年木狼嘅選秀眼光，成功挑選新星既機會唔細。
近年木狼選秀記錄
2017 - Lauri Markkanen
2016 - Kris Dunn
2015 - Karl Anthony Towns
2014 - Zach LaVine
2013 - André Roberson
至於清人方面，主要以Gorgui Dieng 同Cole Aldrich為主。因為Taj Gibson既加盟，上季擔任正選大前鋒既Gorgui Dieng今季只好退居後備。場均上陣時間由上季既32.4分鐘大減一半至16.9分鐘，得分亦下降至5.9分。其實佢效率上都保持到上季水準，只係由於下季人工高達1500萬，重要剩餘三年約，對於木狼未來既發展造成制肘。Karl-Anthony Towns下季後就會完成新秀合約，到時勢必要開出頂薪合同。個人建議木狼應該趁著Gorgui Dieng仍然年輕健康，盡早將佢交易以清出薪酬空間，等球隊有多d彈性簽入合適球員。以Gorgui Dieng既表現，相信未必需要動用到首輪選秀權先吸引到其他球隊。另一位正宗冗員Cole Aldrich，今季場均0.6分0.7籃板，但係年薪就高達730萬美元。自加盟木狼兩季以黎，總共上陣83場，得117分173籃板。幸好下季人工只有200萬係受保障，預計季後賽後木狼勢必會裁減佢。
今個夏天對木狼黎講非常重要，萬一唔能夠成功清出薪酬空間，好難可以留低Jamal Crawford同 Derrick Rose。最後衷心希望Derrick Rose可以有更多上陣時間，慢慢回復狀態，打到MVP時期既七成表現小弟已經心滿意足。
請按此登錄後留言。未成為會員? 立即註冊