大家好，我係籃球宅籃，90後NBA狂迷，醉心研究各NBA球隊補強或重建策略。個人終極FF目標係可以加入NBA球隊Front Office參與組隊決策。
唔講太多廢話，直接入戲肉。第十四集接住講下東區球隊--布魯克林籃網。
今季籃網都係繼續重建，預計要2020-2021球季先可以有d起色。其實今年籃網都唔想擺爛，反正自己個首輪選秀權都去左騎士度，但奈何整體球員實力參差，加上林書豪同D'Angelo Russell因傷缺陣，目前排東岸十二名已經叫盡左力。
籃網今夏會有五名球員約滿，包括Jahlil Okafor，Nik Stauskas，Dante Cunningham，Quincy Acy同 Joe Harris。薪酬空間方面就重有4000萬度，同時手握速龍既首輪選秀權同湖人既次輪選秀權。
今季由76人放監出黎既Jahlil Okafor，上陣情況唔覺有好轉，暫時只係後備出賽26場，平均時間12.6分鐘。教練Kenny Atkinson就話球員態度無問題，只係佢暫時唔太適合球隊戰術。依家籃網偏向跟隨聯盟潮流，進攻以外圍投射為主，場均35.6次三分起手12.7球三分命中都係聯盟次高。前幾日對戰公牛更加創下隊史記錄，全場命中24個三分波。對於籃網，內線球員主要負責保護籃板同禁區協防，並未有特別設計進攻戰術予中鋒負責。眾所周知，Jahlil Okafor係一個攻強守弱既球員，76人就係因為呢個原因捨棄佢。本以為Jahlil Okafor黎到籃網後可以同D'Angelo Russell組成15梯隊連線，點知狀元郎早早就受傷，今季新秀Jarrett Allen又打得唔錯，令到Jahlil Okafor苦無機會。雖然籃網下季擁有合約匹配權，但係以Jahlil Okafor今季既表現，相信都唔會有太多球隊報價。個人認為籃網可以同Jahlil Okafor短簽一年再試水溫，價碼就同Nerlens Noel類似，400萬至600萬左右。若然有球隊報價超過800萬，我覺得籃網就唔應該匹配，驣出空位發掘其他新秀重好。
當時一併由76人交易過黎既重有2014年第八順位新秀Nik Stauskas。當年帝王重信心滿滿，即使有其他球隊洽談交易都全數拒絕，指明非此子不可，冀望佢可以成為下一位Klay Thompson。順帶一提，同屆新秀重有Dario Šarić，Zach LaVine，Jusuf Nurkić，Nicola Jokić，Jordan Clarkson等等。四年過後，Nik Stauskas都係表現平平，相比起大學時期既44%三分命中率，足足少左一成。籃網陣中已經有D'Angelo Russell，Nik Stauskas根本無可能搶到正選得分後衛一席。定點射手一向於NBA都難以得到青睞，強如Kyle Korver，J.J. Redick，Steve Novak，Marco Belineli，生涯平均年薪都比其他位置少。除非Nik Stauskas可以發展自己無球走位既能力，否則只會離當年選秀模版Klay Thompson越黎越遠。個人認為來季籃網都無法提供太多上陣時間俾佢，放棄續約對雙方都有好處。
接住提及既兩名次輪選秀出身球員，Joe Harris同Quincy Acy今季都表現相當好。同上文提及既兩位樂透區球員相比，更加襯托出NBA唔計較出身名次，只要有實力就可以獲得出場時間。Joe Harris 今季平均上陣25.3分鐘攞到10.8分3.3籃板1.6助攻，所有數據都係生涯新高。今季年薪只係150萬，相當超值。雖然佢今季會成為自由球員，但係轉隊並唔保證一定適合新隊體系，既然籃網可以提供穩定上陣時間，又已經融入球隊戰術，相信只要球團開出合適價碼，雙方繼續合作機會頗大。新約年薪大約600萬上下。
另一位次輪選秀出身既大前鋒 Quincy Acy 就以肯搏肯搶見稱。為左配合球隊試驗五小陣容，有時會客串undersize中鋒一席。得分能力唔算強，勝在有三分投射技術，相比起其他正宗中鋒，更加適合打stretch five。教練都幾重用佢，場均19.4分鐘係生涯新高，預計新約年薪大概400萬左右。
至於今季由鵜鶘交易過黎既Dante Cunningham就應該唔會願意留隊。進入聯盟已經八季，其間只有三次入過季後賽。下季就31歲既佢應該會趁住身手還可以既時候加入其他季後賽球隊。今季Dante Cunningham人工只有230萬，對於一d薪酬空間相對緊張既中上游球隊黎講都算係一個選擇。
未來兩季既籃網就好似一個新秀試煉場。由於早年欠缺首輪選秀權，要揀選新秀既辦法就只可以靠僅餘既次輪選秀權或者係透過交易換入一d被放棄既新秀。為左加快重建速度，唯一可以做既就係盡量去試，透過賽季去篩選出合適既新秀，務求盡快搵到組隊基石。個人認為籃網應該趁著下季有剩餘既薪酬空間，去同騎士洽談交易，透過接收Tristan Thompson或 J.R. Smith去換番自己個首輪選秀權番黎。以目前排名黎計，呢個將會係一個第八順位既選秀權。雖然兩人都重有兩年約，但係籃網短期內都唔會實力大增，接收多個溢價合約並無大礙。
由下年開始籃網先會有番自己既選秀權，雖然目前球隊只有D'Angelo Russell一個重建基石，但係馬刺出身既管理層一向有質素保證，相信總經理 Sean Marks會為籃網做好重建計劃。最後希望林書豪可以滿血回歸，再現linsanity既表現。
唔講太多廢話，直接入戲肉。第十四集接住講下東區球隊--布魯克林籃網。
今季籃網都係繼續重建，預計要2020-2021球季先可以有d起色。其實今年籃網都唔想擺爛，反正自己個首輪選秀權都去左騎士度，但奈何整體球員實力參差，加上林書豪同D'Angelo Russell因傷缺陣，目前排東岸十二名已經叫盡左力。
籃網今夏會有五名球員約滿，包括Jahlil Okafor，Nik Stauskas，Dante Cunningham，Quincy Acy同 Joe Harris。薪酬空間方面就重有4000萬度，同時手握速龍既首輪選秀權同湖人既次輪選秀權。
今季由76人放監出黎既Jahlil Okafor，上陣情況唔覺有好轉，暫時只係後備出賽26場，平均時間12.6分鐘。教練Kenny Atkinson就話球員態度無問題，只係佢暫時唔太適合球隊戰術。依家籃網偏向跟隨聯盟潮流，進攻以外圍投射為主，場均35.6次三分起手12.7球三分命中都係聯盟次高。前幾日對戰公牛更加創下隊史記錄，全場命中24個三分波。對於籃網，內線球員主要負責保護籃板同禁區協防，並未有特別設計進攻戰術予中鋒負責。眾所周知，Jahlil Okafor係一個攻強守弱既球員，76人就係因為呢個原因捨棄佢。本以為Jahlil Okafor黎到籃網後可以同D'Angelo Russell組成15梯隊連線，點知狀元郎早早就受傷，今季新秀Jarrett Allen又打得唔錯，令到Jahlil Okafor苦無機會。雖然籃網下季擁有合約匹配權，但係以Jahlil Okafor今季既表現，相信都唔會有太多球隊報價。個人認為籃網可以同Jahlil Okafor短簽一年再試水溫，價碼就同Nerlens Noel類似，400萬至600萬左右。若然有球隊報價超過800萬，我覺得籃網就唔應該匹配，驣出空位發掘其他新秀重好。
當時一併由76人交易過黎既重有2014年第八順位新秀Nik Stauskas。當年帝王重信心滿滿，即使有其他球隊洽談交易都全數拒絕，指明非此子不可，冀望佢可以成為下一位Klay Thompson。順帶一提，同屆新秀重有Dario Šarić，Zach LaVine，Jusuf Nurkić，Nicola Jokić，Jordan Clarkson等等。四年過後，Nik Stauskas都係表現平平，相比起大學時期既44%三分命中率，足足少左一成。籃網陣中已經有D'Angelo Russell，Nik Stauskas根本無可能搶到正選得分後衛一席。定點射手一向於NBA都難以得到青睞，強如Kyle Korver，J.J. Redick，Steve Novak，Marco Belineli，生涯平均年薪都比其他位置少。除非Nik Stauskas可以發展自己無球走位既能力，否則只會離當年選秀模版Klay Thompson越黎越遠。個人認為來季籃網都無法提供太多上陣時間俾佢，放棄續約對雙方都有好處。
接住提及既兩名次輪選秀出身球員，Joe Harris同Quincy Acy今季都表現相當好。同上文提及既兩位樂透區球員相比，更加襯托出NBA唔計較出身名次，只要有實力就可以獲得出場時間。Joe Harris 今季平均上陣25.3分鐘攞到10.8分3.3籃板1.6助攻，所有數據都係生涯新高。今季年薪只係150萬，相當超值。雖然佢今季會成為自由球員，但係轉隊並唔保證一定適合新隊體系，既然籃網可以提供穩定上陣時間，又已經融入球隊戰術，相信只要球團開出合適價碼，雙方繼續合作機會頗大。新約年薪大約600萬上下。
另一位次輪選秀出身既大前鋒 Quincy Acy 就以肯搏肯搶見稱。為左配合球隊試驗五小陣容，有時會客串undersize中鋒一席。得分能力唔算強，勝在有三分投射技術，相比起其他正宗中鋒，更加適合打stretch five。教練都幾重用佢，場均19.4分鐘係生涯新高，預計新約年薪大概400萬左右。
至於今季由鵜鶘交易過黎既Dante Cunningham就應該唔會願意留隊。進入聯盟已經八季，其間只有三次入過季後賽。下季就31歲既佢應該會趁住身手還可以既時候加入其他季後賽球隊。今季Dante Cunningham人工只有230萬，對於一d薪酬空間相對緊張既中上游球隊黎講都算係一個選擇。
未來兩季既籃網就好似一個新秀試煉場。由於早年欠缺首輪選秀權，要揀選新秀既辦法就只可以靠僅餘既次輪選秀權或者係透過交易換入一d被放棄既新秀。為左加快重建速度，唯一可以做既就係盡量去試，透過賽季去篩選出合適既新秀，務求盡快搵到組隊基石。個人認為籃網應該趁著下季有剩餘既薪酬空間，去同騎士洽談交易，透過接收Tristan Thompson或 J.R. Smith去換番自己個首輪選秀權番黎。以目前排名黎計，呢個將會係一個第八順位既選秀權。雖然兩人都重有兩年約，但係籃網短期內都唔會實力大增，接收多個溢價合約並無大礙。
由下年開始籃網先會有番自己既選秀權，雖然目前球隊只有D'Angelo Russell一個重建基石，但係馬刺出身既管理層一向有質素保證，相信總經理 Sean Marks會為籃網做好重建計劃。最後希望林書豪可以滿血回歸，再現linsanity既表現。
請按此登錄後留言。未成為會員? 立即註冊