大家好，我係籃球宅籃，90後NBA狂迷，醉心研究各NBA球隊補強或重建策略。個人終極FF目標係可以加入NBA球隊Front Office參與組隊決策。
唔講太多廢話，直接入戲肉。第十九集接住講下東區球隊--華盛頓巫師。
今季巫師既表現可能令唔少球迷失望，常規賽43勝39敗，剛好掹車邊排第八。四位主將已經合作五季，仍然未能踏上東冠地板。下季將會係正選中鋒Marcin Gortat既合約年，表示現有陣容最多剩餘一年合作機會。若然來季成績仍然未有顯著提升，球團極有機會重組正選陣容。
今夏巫師將會有兩名球員可跳出合約，另外有五名球員約滿回復自由身。後備中鋒Jason Smith今季表現強差人意，場均只有3.4分1.6籃板，幾可肯定會選擇繼續原有合約，來季年薪大概540萬。同樣擁有球員選項，去夏加盟巫師既Jodie Meeks，今季場均上陣時間只有14.5分鐘，係近八季以黎最少。若果下季繼續合約，人工只有340萬。上陣時間又未能保證，薪金又唔係特別高，相信Jodie Meeks來季未必會續留巫師。
今夏最重要既續約操作非輪換大前鋒Mike Scott莫屬。常規賽場均上陣18.5分鐘，可以攞到8.8分3.3籃板，命中率高達52.7%，效率驚人。今季薪金只有170萬，性價比極高。可惜巫師受薪酬空間限制，最多只可以出稅後中產合約。加上正選大前鋒Markieff Morris正值壯年，要挑戰其席位甚有難度，球員會否願意留隊成疑。
季尾簽約既Ty Lawson於首輪季後賽上陣五場，場均上陣19.2分鐘，有5.8分3助攻2.6籃板，睇得出教練Scott Brooks相當器重佢。難得重返NBA賽場，相信Ty Lawson亦唔會介意來季以老將底薪留隊。
季中加盟巫師既Ramon Sessions常規賽出陣15場，場均上陣15分鐘，得到5.9分3.3助攻。季後賽則再無上陣。若然願意擔任第三梯隊成員，又樂意接受底薪留隊，個人認為對巫師並無壞處。
至於其餘兩位自由球員Tim Frazier同Chris McCullough，個人就建議唔好續留。一方面因為球員表現並不理想，另一方面因為今夏巫師將有兩個選秀權 (15th & 44th)，球隊必須驣出空位才可以簽下兩位新秀。
至於清人方面，後備中鋒Ian Mahinmi一定係首選。呢位法國球員於2016年夏天同巫師簽訂一份四年6400萬合約。不過加盟後受傷患困擾，上季只上陣31場，場均5.6分4.8籃板。本以為今季可以滿血回歸，點知又未能得到穩定出場時間，常規賽上陣77場，場均上場14.9分鐘，有4.8分4.1籃板。作為輪換陣容一員，年薪竟然比正選中鋒Marcin Gortat更要高，巫師制服組明顯高估Ian Mahinmi既能力。巫師未來三季既薪酬空間都已經所剩無幾，要求變必須拆牆鬆綁。個人建議球團應將Kelly Oubre搭配Ian Mahinmi一併送出，以換回薪資空間招攬綠葉球員。來季將會係Kelly Oubre既新秀合約年，以巫師目前既狀況睇，後季要留住佢非常有難度。加上正選小前鋒Otto Porter非常年輕，Kelly Oubre未必願意繼續屈居後備。球隊倒不如利用佢作為交易籌碼，以免到時人財兩失。
現時巫師既兩位中鋒都年過三十，球隊有必要培育一個新生代中鋒，個人認為太陽中鋒Alex Len會係一個合適選擇。呢位七呎一吋既烏克蘭中鋒，去季完成新秀合約後未有如願得到一份大約，只好無奈與母隊短簽一年。現時球員於球團地位頗為尷尬，即使球隊正在重建當中，教練團亦寧願起用老將Tyson Chandler，都唔願意重用Alex Len。球員今季場均上陣20.2分鐘，得到8.5分7.5籃板，成績唔錯。目前巫師主要進攻點係後場雙槍John Wall以及Bradley Beal，並無給予中鋒度身訂造既進攻戰術。進攻時主要負責擋拆後跟進，以減輕持球者受到夾迫既機會，又或者於禁區兩肋進行無球走動，讓持球者殺入禁區後有多個進攻選擇。其餘場上時間主要職責都係保護籃板球以及禁區協防。Alex Len相當符合巫師既戰術要求，加上只有24歲，更難得係母隊並非十分器重佢，減輕挖角難度。若巫師希望以先簽後換形式得到球員，可以以今夏首輪選秀權配搭Ian Mahinmi換取Alex Len (太陽已經有年青球員 T.J Warren擔任正選小前鋒，並不需要Kelly Oubre)。若巫師希望單純以中產合約 （約800萬)招攬球員，就必須先降低薪資水平至1.2億美元以下，否則只能出價一紙稅後中產合約(約500萬)。
來季將會係巫師陣容試驗期最後一年，若然仍未能成功打入東冠，球團必定會打散陣容再重新部署。希望主將John Wall可以回復上季狀態，帶領首都球隊更上一層樓。
唔講太多廢話，直接入戲肉。第十九集接住講下東區球隊--華盛頓巫師。
今季巫師既表現可能令唔少球迷失望，常規賽43勝39敗，剛好掹車邊排第八。四位主將已經合作五季，仍然未能踏上東冠地板。下季將會係正選中鋒Marcin Gortat既合約年，表示現有陣容最多剩餘一年合作機會。若然來季成績仍然未有顯著提升，球團極有機會重組正選陣容。
今夏巫師將會有兩名球員可跳出合約，另外有五名球員約滿回復自由身。後備中鋒Jason Smith今季表現強差人意，場均只有3.4分1.6籃板，幾可肯定會選擇繼續原有合約，來季年薪大概540萬。同樣擁有球員選項，去夏加盟巫師既Jodie Meeks，今季場均上陣時間只有14.5分鐘，係近八季以黎最少。若果下季繼續合約，人工只有340萬。上陣時間又未能保證，薪金又唔係特別高，相信Jodie Meeks來季未必會續留巫師。
今夏最重要既續約操作非輪換大前鋒Mike Scott莫屬。常規賽場均上陣18.5分鐘，可以攞到8.8分3.3籃板，命中率高達52.7%，效率驚人。今季薪金只有170萬，性價比極高。可惜巫師受薪酬空間限制，最多只可以出稅後中產合約。加上正選大前鋒Markieff Morris正值壯年，要挑戰其席位甚有難度，球員會否願意留隊成疑。
季尾簽約既Ty Lawson於首輪季後賽上陣五場，場均上陣19.2分鐘，有5.8分3助攻2.6籃板，睇得出教練Scott Brooks相當器重佢。難得重返NBA賽場，相信Ty Lawson亦唔會介意來季以老將底薪留隊。
季中加盟巫師既Ramon Sessions常規賽出陣15場，場均上陣15分鐘，得到5.9分3.3助攻。季後賽則再無上陣。若然願意擔任第三梯隊成員，又樂意接受底薪留隊，個人認為對巫師並無壞處。
至於其餘兩位自由球員Tim Frazier同Chris McCullough，個人就建議唔好續留。一方面因為球員表現並不理想，另一方面因為今夏巫師將有兩個選秀權 (15th & 44th)，球隊必須驣出空位才可以簽下兩位新秀。
至於清人方面，後備中鋒Ian Mahinmi一定係首選。呢位法國球員於2016年夏天同巫師簽訂一份四年6400萬合約。不過加盟後受傷患困擾，上季只上陣31場，場均5.6分4.8籃板。本以為今季可以滿血回歸，點知又未能得到穩定出場時間，常規賽上陣77場，場均上場14.9分鐘，有4.8分4.1籃板。作為輪換陣容一員，年薪竟然比正選中鋒Marcin Gortat更要高，巫師制服組明顯高估Ian Mahinmi既能力。巫師未來三季既薪酬空間都已經所剩無幾，要求變必須拆牆鬆綁。個人建議球團應將Kelly Oubre搭配Ian Mahinmi一併送出，以換回薪資空間招攬綠葉球員。來季將會係Kelly Oubre既新秀合約年，以巫師目前既狀況睇，後季要留住佢非常有難度。加上正選小前鋒Otto Porter非常年輕，Kelly Oubre未必願意繼續屈居後備。球隊倒不如利用佢作為交易籌碼，以免到時人財兩失。
現時巫師既兩位中鋒都年過三十，球隊有必要培育一個新生代中鋒，個人認為太陽中鋒Alex Len會係一個合適選擇。呢位七呎一吋既烏克蘭中鋒，去季完成新秀合約後未有如願得到一份大約，只好無奈與母隊短簽一年。現時球員於球團地位頗為尷尬，即使球隊正在重建當中，教練團亦寧願起用老將Tyson Chandler，都唔願意重用Alex Len。球員今季場均上陣20.2分鐘，得到8.5分7.5籃板，成績唔錯。目前巫師主要進攻點係後場雙槍John Wall以及Bradley Beal，並無給予中鋒度身訂造既進攻戰術。進攻時主要負責擋拆後跟進，以減輕持球者受到夾迫既機會，又或者於禁區兩肋進行無球走動，讓持球者殺入禁區後有多個進攻選擇。其餘場上時間主要職責都係保護籃板球以及禁區協防。Alex Len相當符合巫師既戰術要求，加上只有24歲，更難得係母隊並非十分器重佢，減輕挖角難度。若巫師希望以先簽後換形式得到球員，可以以今夏首輪選秀權配搭Ian Mahinmi換取Alex Len (太陽已經有年青球員 T.J Warren擔任正選小前鋒，並不需要Kelly Oubre)。若巫師希望單純以中產合約 （約800萬)招攬球員，就必須先降低薪資水平至1.2億美元以下，否則只能出價一紙稅後中產合約(約500萬)。
來季將會係巫師陣容試驗期最後一年，若然仍未能成功打入東冠，球團必定會打散陣容再重新部署。希望主將John Wall可以回復上季狀態，帶領首都球隊更上一層樓。
請按此登錄後留言。未成為會員? 立即註冊