2018休賽季補強策略 - 波士頓塞爾特人

籃球宅籃 於 14/03/2018 發表 收藏文章
大家好,我係籃球宅籃,90後NBA狂迷,醉心研究各NBA球隊補強或重建策略。個人終極FF目標係可以加入NBA球隊Front Office參與組隊決策。

唔講太多廢話,直接入戲肉。第四集接住講下東區傳統強隊--波士頓塞爾特人。

塞軍今年黎左個大換血,除左 Marcus Smart, Al Horford, Jayden Brown 同 Terry Rozier 之外,全部球員都係今季新加盟。不過一如上季,塞軍繼續有好成績,暫時以46勝21負排係東區第二位。大換血後依然可以保持戰積,除左有賴 Brad Stevens 既體制之外,當然因爲 Kyrie Irving 既加入。Irving今年場均24.4分5.1個助攻。數據上雖然比上年滑落左少少,但係場均上陣時間亦比過往係騎士少。生涯最佳既49%命中率證明其效率之高。

今年塞軍將會有4位球員會成為FA/RFA,分別係自家新秀 Marcus Smart,二月加盟既Greg Monroe,中鋒Aron Baynes同近期受膝傷影響既Shane Larkin。

四位球員中最關鍵既當然係 Marcus Smart。場均10分3.5籃板4.8助攻既佢係塞爾特人既主要輪換球員。雖然有陣時係有d魯莽,但係勝在後生,重有時間改善。雖然塞軍有權匹配任何offer,但係以佢今年450萬既年薪去睇,下年至少要1000萬先留到呢位綠葉球員。至於點解大合約年代都係得1000萬度年薪,小弟遲d會出一個特稿講下點解。

Aron Baynes今季只係簽左一年短約,平均上陣時間只係一節多少少,場均5.7分5.2籃板,不過不失。不過小弟預計佢季後未必會留隊,其一主因係二月招攬既Greg Monroe。

雖然Greg Monroe暫時只係為塞軍上陣11場,但係效率比Baynes明顯更高,上陣時間更少既情況下場均可以得到7.8分5籃板。再加上比Aron Baynes後生,相信只要處理續約時冇獅子開大口,應該會順利留隊頂替Aron Baynes既位。唔好忘記塞軍重有另一位新秀中鋒 Daniel Theis,年僅25歲既佢已經係三屆德國籃球聯賽冠軍,擔任輪換中鋒一席綽綽有餘。

下季塞軍仍有一千六百萬薪酬空間同一個首輪選秀權。預料淨係續簽Marcus Smart同 Greg Monroe都用盡晒,所以下季要俾luxury tax都應該在所難免。如果續簽埋Shane Larkin同簽2018年新秀,15人名單就已經滿埋添。

希望塞爾特人下年繼續有好成績,最最最緊要係唔好再有球員受傷,今年塞軍實在太多災多難了。

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→