如果我是湖人，這故事太吸引 (一) 精選

如果我是湖人，這故事太吸引 (一)
經過三年的低谷和高比拜人(Kobe Bryant) 的退休，湖人終於可以正式開始重建期。根據湖人副總裁吉姆‧巴斯(Jim Buss)所說，湖人將會用Russel, Clarkson, Randle和William作為重建的核心，加上湖人教練Luke Walton表示，湖人來季使用跑轟戰術，所以這篇文章我會說說如果我是湖人管理層，我會作出什麼決定。
係我作出決定前，先由小弟淺略分析湖人的現況:
湖人下季一定留隊有D Russell, Nick Young, Lou William, Julius Randal, Larry Nance, Anthony Brown。如無意外湖人都會全力留下Jordan Clarkson，我估計大約1,000萬就可以留人，即是湖人大約有5,500萬仲可以用。

所以如果我係湖人的話我會作出以下決定:

1.選秀權
外界有很多傳聞，湖人會用選秀權換 Paul George，但係經過近幾季的失敗，可以見到球隊操之過急，最後令到球隊「自爆」，所以我偏向會選擇使用今年的選秀權。今年選透大趨勢都是Ben Simmons 和 Brandon Ingram兩人，兩人都係打SF，正正係湖人現在最弱的位，所以76人揀咗邊個，湖人就應該揀剩低果個。不過個人偏向希望選擇Brandon Ingram，因為佢的投射能力比 Ben Simmons 好，加上有唔錯的籃球智商和傳球意識，可以令湖人的跑轟戰術的ball movement 更加順暢。加上Ben Simmons 的自大狂妄性格，年少輕狂，可能會和D Russell 、Clarkson 等人發生衝突，反而Brandon Ingram的「乖乖仔」性格，感覺上較平易近人，容易和湖人其他年青球員相處。最後根據報告指出，雖然佢的即戰力無Ben Simmons 咁高，但係佢有較高的潛力。當高比退咗休之後，湖人已經無咩理由要急於一時，所以選擇潛力較高的Brandon Ingram係一個更加好和穩陣的選擇。