【歐洲籃球賽感人時刻】——全場起立向德國鎗致敬！

37歲。

暑假NBA完季，思前想後，我參唔參賽好呢？
「老啦，夏天要休息，唔係下季打NBA嘅表現會唔好。

咦？响我老家德國嘅柏林打呀？

咦？九月先開波，我都有時間抖下，陪下老婆同個女呀？仲可以當為下季調整狀態添。咁無計啦，唔打講唔過去！」

咁多年，Dirk都盡心為國出戰，䀆量參賽，雖然老闆Mark Cuban公開表示唔老黎，佢都照打。2002年帶德國贏世錦賽季軍，自己拎咗2002、2005年兩屆MVP。


2005年德國對西班牙highlights、Dirk絕殺！

响FIBA嘅規則下，Dirk呢類技術型球員發揮會特別好，當打之年更係無人能擋。就算今屆佢鋒芒已經被年輕有為嘅鷹隊後備控衛 Dennis Schröder 掩過，但都仍然係隊波嘅精神支柱，對冰島一戰亦有上佳表現。


Schroder對意大利精彩Crossover過人搏埋And-1～


佢仲响今屆賽事，進佔歐洲籃球賽all-time得分榜第二名。


Dirk 2015年打冰島，28分鐘15分7籃板


今場僅僅輸畀西班牙一分，德國已無緣出線。今次比賽係奧運會資格賽，輸咗就等如下年德國無得打奧運，亦即係話，呢次全場起立致敬，等如係送Dirk離別國際賽場啦⋯⋯

今場表現以佢嘅水準黎講唔算特別出色，6射3中，10分7個籃板，但最後一分鐘嘅關鍵時刻，輸緊7分，係佢入球3分波，幫德國隊還魂，重燃一絲希望！之後仲有3.8秒嗰陣，輸緊77比74，Schroder搏到3球罰球，可惜，最後一球失手炒粉——就係咁，葬送咗Dirk最後一次國家隊之旅。

Dirk代表國家隊打嘅最後一場⋯⋯對西班牙

德國人自然明白，所以全場起立致敬。Dirk亦忍唔住淚灑賽場，真係我見猶憐呀⋯⋯


賽後多年來同Dirk响國際賽上針鋒相對嘅Pau Gasol都向Dirk致敬。