當然唔係講chok樣嗰啲啦。
屋企附近有兩個球場，有一個少啲人，無人我就會用電話拍低自己嘅練習過程。
（扮哂嘢）梗係唔係為咗post上facebook咁敷淺啦！而係為咗睇自己嘅動作有無問題，呢張相就係响其中一段片到cap出嚟再加工而成。我就係透過自拍，發覺自己射波兩隻腳發力唔平均，右腳大力啲之餘，仲成個下半身都有啲踢咗向左邊，望落好似被人响後面踢一腳咁，非常唔自然。咁咪有嘢可以改善囉～
不過呢，提醒各位，大熱天時如果日正當中打波，就千祈唔好咁做，我試過一次，過咗10分鐘，部電話好似就黎會著火咁焫手⋯⋯
我諗好多人都同我一樣，打天才波大，人地點做就跟住做，或者睇Slamdunk呀、睇NBA地帶呀咁啦。讀中學嗰陣，我曾經神心到專登去圖書館搵本叫《籃球基要訓練》咁上下名嘅書黎研讀添；樓下個街場有啲好人嘅大哥哥或者呀叔又會教下咁。
到有番咁上下大個，就知自己嘅動作有好多問題，又唔穩定；所以時至今日，我仍然不斷摸索點先可以改善自己嘅動作。而家有Youtube，其實真係好方便，好多美國channel都有好詳細嘅剖析同教學，好似 Shot Mechanics咁，基本上大部份現役射波有番咁上下嘅NBA球員，佢都有分析，每個講三點。
好就好在，佢唔會同你講咩係絕對正確，最多都係話“one thing I absolutely like about XXX’s shooting is...”，但通常會補多句“try add it to your game and see if it fits you”，又強調最緊要你覺得出手舒服。雖然咁要花多啲時間，睇多幾條片、試多幾次，但為咗搵到適合自己嘅出手方法，點都值得。大家射波準唔準都好，都可以去睇睇有無你自己鍾意嘅球星分析，袋番啲嘢落袋。
最後，想提嘅係，佢有一個point好好，就係要改善射術，應該用top down approach，意思係，由手改起，改到落腳 － 搞掂咗手型、出手點、主要發力手指等等，先至再執個身直定曲呀，雙腳平排定前後呀之類。咁會事半功倍！
睇完記得黎like我個page呀！多謝支持！
屋企附近有兩個球場，有一個少啲人，無人我就會用電話拍低自己嘅練習過程。
（扮哂嘢）梗係唔係為咗post上facebook咁敷淺啦！而係為咗睇自己嘅動作有無問題，呢張相就係响其中一段片到cap出嚟再加工而成。我就係透過自拍，發覺自己射波兩隻腳發力唔平均，右腳大力啲之餘，仲成個下半身都有啲踢咗向左邊，望落好似被人响後面踢一腳咁，非常唔自然。咁咪有嘢可以改善囉～
不過呢，提醒各位，大熱天時如果日正當中打波，就千祈唔好咁做，我試過一次，過咗10分鐘，部電話好似就黎會著火咁焫手⋯⋯
我諗好多人都同我一樣，打天才波大，人地點做就跟住做，或者睇Slamdunk呀、睇NBA地帶呀咁啦。讀中學嗰陣，我曾經神心到專登去圖書館搵本叫《籃球基要訓練》咁上下名嘅書黎研讀添；樓下個街場有啲好人嘅大哥哥或者呀叔又會教下咁。
到有番咁上下大個，就知自己嘅動作有好多問題，又唔穩定；所以時至今日，我仍然不斷摸索點先可以改善自己嘅動作。而家有Youtube，其實真係好方便，好多美國channel都有好詳細嘅剖析同教學，好似 Shot Mechanics咁，基本上大部份現役射波有番咁上下嘅NBA球員，佢都有分析，每個講三點。
好就好在，佢唔會同你講咩係絕對正確，最多都係話“one thing I absolutely like about XXX’s shooting is...”，但通常會補多句“try add it to your game and see if it fits you”，又強調最緊要你覺得出手舒服。雖然咁要花多啲時間，睇多幾條片、試多幾次，但為咗搵到適合自己嘅出手方法，點都值得。大家射波準唔準都好，都可以去睇睇有無你自己鍾意嘅球星分析，袋番啲嘢落袋。
最後，想提嘅係，佢有一個point好好，就係要改善射術，應該用top down approach，意思係，由手改起，改到落腳 － 搞掂咗手型、出手點、主要發力手指等等，先至再執個身直定曲呀，雙腳平排定前後呀之類。咁會事半功倍！
睇完記得黎like我個page呀！多謝支持！
請按此登錄後留言。未成為會員? 立即註冊