【球星嘅抉擇】 忠誠vs冠軍

港波台Kongballtoi 於 18/03/2021 發表 收藏文章
忠誠同埋冠軍之間嘅抉擇,係一個係球迷的討論入面永遠都會出現而且備受爭議嘅話題。 係NBA呢個商業聯盟入邊,為左一圓冠軍夢或者追求更好嘅薪金待遇而轉隊嘅球星絕對唔係小數,例子甚至可以話係比比皆是。有球迷會覺得一個家鄉球星為咗冠軍甚至係金錢而遠走他鄉係一種可恥且不可取的表現。

相反,亦都會有人覺得如果球隊冇作為 不去補強陣容,令球隊在季後賽頻頻失利,繼而導致球員對球隊失去耐心,球星離開去爭奪總冠軍也是合乎情理的。甚至乎亦有球迷認為如果球員係為咗更大嘅合約或者更好嘅待遇而轉隊,亦只不過係人之常情。

以下落嚟,就等我哋一齊睇下唔同例子。

Kobe Bryant -一個成個職業生涯都係湖人度過嘅傳奇
毫不誇張咁講,佢絕對稱得上係一人一城的代表。亦都相信無人會反對。但其實在2007年的時候 他就曾經因為球隊管理層的不作為,導致球隊係季後賽頻頻失利,而向球隊提出交易申請。係日後嘅訪談中 他親口承認當時芝加哥公牛是他的第一選擇。他亦提到底特律活塞也曾經嘗試用Richard Hamilton+Tayshaun Prince+選秀權來換佢(當湖人管理層傻的嗎) 只不過最後都比佢拒絕咗,湖人最後亦留低咗佢。而係2008年湖人為佢搵嚟咗幫手,以著名的打劫交易迎來了Pau Gasol。隨後湖人亦在Kobe和Gasol的帶領下取得二連冠,Kobe 更是連莊FMVP。其實由呢件事我地就可以得知管理階層的不作為,毫無疑問會令球星對球隊失去信心,繼而尋求交易。
Dirk Nowitzki-NBA最重情重義嘅球員
司機絕對稱得上最能演釋「忠誠」一詞的人,佢同cuban嘅友情相信大家都聽得唔少,我哋都唔重複咁多啦。他係達拉斯小牛(亦都只係而家嘅獨行俠)留了二十一年,更係2011年帶隊以4-2擊敗當時聯盟嘅頭號反派,熱火三巨頭,奪得總冠軍。而他多次主動減薪,只係為咗令球隊能有足夠的薪資空間補強陣容,最著名的一次莫過於在2014年時,當時休斯頓火箭和洛杉磯湖人各自提供咗一份頂薪三年九千七百萬的合約,但係佢考慮都無考慮過,因為大家都知道,佢係屬於達拉斯。佢隨後同達拉斯小牛簽下一份三年二千五百萬的合約。據統計,他多次主動減薪,令佢喺職業生涯中一共賺少了1.94億。試問在NBA歷史上,又有多少位球員能像Dirk Nowitzki一樣,處處為球隊着想之餘,還不離不棄呢?
Lebron James-背棄國民嘅皇帝
係2010年嘅夏天,Rmbj同騎士嘅合約結束。其後佢係全國直播特別節目「The Decision」宣佈轉投熱火,夥拍佢嘅兄弟wade同bosh造成3巨頭,向總冠軍進發。呢個決定使佢名聲瞬間跌落谷底,成為聯盟中嘅頭號反派角色。但係大多數人只係睇到佢轉隊一事,而無去嘗試了解背後嘅原因。就係rmbj轉隊前一年,球隊係季後賽第二輪倒係波塞腳下,但大多數人只睇到騎士係常規賽有61勝,無疑令到連莊mvp嘅rmbj不滿。當時rmbj都首發出場76場平均上場39分鐘場均攞到29.7分,7籃板,8助攻,真係可以話係盡心盡力,但係當時騎士卻因為薪資困難而無法係自由市場補強,而當時rmbj自己都試過打畀唔同球星,但佢哋都拒絕嚟騎士,咁樣使得一心想捧起奧布萊恩杯嘅rmbj轉投熱火。睇到呢度,相信唔少人都覺得我係度幫rmbj洗白,但其實小編都唔鍾意偽善嘅rmbj,上面嘅內容都係議事論事,我亦都同意當時rmbj嘅決定的確傷到唔少球迷嘅心,尤其是rmbj仲特登係電視節目宣佈將佢嘅天賦帶到南海岸,呢個行為都有少少落井下石嘅feel。
Kevin Durant-投向敵人嘅死神
講完rmbj,就不得不提死神kd,KD真係可以話係背叛嘅代表,就係2016年 由kd同西書領軍嘅雷霆係西部決賽對上不可一世嘅73勝勇士。當時雷霆手握3-1嘅優勢,幾乎可以話總決賽會係雷霆對上騎士。但雷霆其後連輸三場,最終都係同無限接近到手嘅西區總冠軍擦身而過,今次比3-1逆轉後,球迷雖然對雷霆今年嘅表現感到失望。但係都睇好死神+西書呢個組合能夠係將來帶領雷霆捧起隊史第二座奧布萊恩杯,可惜事與願違,死神kd宣布離開雷霆,下家仲要係啱啱擊敗自己嘅勇士。kd呢個決定無疑宣佈咗聯盟大結局,亦都令到無數雷霆心碎,但大家唔可以忘記,kd係雷霆奮鬥咗十年,但都無總冠軍,當取得3-1領先嘅時候都係差臨門一腳。如果咁樣睇 kd都難免感到心灰意冷,所以kd有想少奮鬥十年嘅諗法其實都可以話係人之常情。

其實我哋唔係諗住幫一啲追求冠軍嘅球星講說話,純粹大家鬧佢哋對球隊唔忠誠嘅時候可以思考更多。

最後最後記得follow我哋嘅ig!@kongballtoi

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→