最詳盡!NBA盈利模式大公開


上面係文篇既Youtube版
如果鐘意呢條片既朋友記得Like, Subscribe同Share啦:)

---------------------------------------

好多人都話係2020年爆發既疫情會影響到來年NBA既收入,繼而影響到下一年成個NBA既聯盟生態同埋薪資帽,所以呢條片就會帶大家認識下究竟NBA係點樣搵錢嫁啦

係北美入面,NBA一直都發展迅速,但佢係美國市場其實佔唔到主導地位既,佢既收入大約係世界上收入最高既NFL既一半左右。雖然係咁,其實NBA一直以黎都係北美四大專業體育聯盟入面以創新性而著稱既,佢既收入來源係十分多樣性既當中包括門票收益,電視轉播權,商品銷售等等,最近兩年更開始容許球隊係波衫上面印上贊助商LOGO添。

NBA的商業模式
比起1876年成立既美國職業棒球大聯盟同1920年成立既國家美式足球聯盟,係1946年成立既NBA已經係輸左係起跑線上嫁啦,所以一路以黎都搞好多花神去追趕係呢兩個係美國根深蒂固既聯盟。

例如NBA係第一個將全明星賽變成全明星週未既聯盟,第一個通過賣周邊商品獲得大部份收入既聯盟,第一個有意識將最有市場潛力既球員發展成全球媒體巨星既聯盟,相信就算冇睇開波既都聽過Michael Jordan同Kobe Bryant呢兩個球星既名。

除此之外,將成個聯盟國際化都係好重要既一環。聯盟既廣播由本土擴展到去全世界,佢地既賽事甚至去到外蒙古都睇到。球員名單方面,由1970年代既清一色美國人發展到今時今日有大約4分1既活躍球員都係來自美國以外37個國家/地區。

由於NBA唔係上市公司既關係,所以佢係唔會向公眾發表詳細既財務報表既。但係根據定期追蹤NBA球隊市值既福布斯報導,係2018-19年既賽季,成個聯盟既收入係高達80億。而每支團隊既平均價值為19億美元,而最小個支球隊都價值10億,呢個估值大約係五年前既三倍。

NBA的電視業務
同其他主要既體育聯賽一樣,電視一直都係NBA商業策略既重要一環。當電視第一次由奢侈品變成家家戶戶都有既用品時,部份球隊既老闆其實係拒絕將佢地賽事做直播或者轉播既。畢竟佢地諗極都諗唔明點解要免費比你係屋企睇到場波而唔係落球場到收你錢。

隔左一輪之後佢地終於諗明左一件事,就係電視轉播可以接觸到更多既觀眾,而呢D觀眾轉化出黎既收視率就可以賣比D中間人或者廣告商去賺錢啦。

觀眾層面方面,亦都有一班人係鐘意係屋企睇電視多過現場既,因為睇一次現場比賽除左要付出門票既價格,仲有往返既時間,昂貴既泊車費用,有時仲會遇到一兩個醉酒佬係到搞事,所以幾年之後電視轉播已經成為大多數球隊既收入來源啦。

電視轉播收入係佔左NBA收入來源既一大部份既,係2016-17賽季,TNT同ESPN同NBA重新簽訂左總值240億美元既合同。以NBA入面大約400名活躍球員,每人平均500萬美元收入黎計,剩係電視台既收入都夠比人工有突呀。

NBA的商品業務
NBA既另一個收入來源,就係摸得到既商品啦。NBA每年既商品收入係高達10億美元既,而係2017-18賽季亦都歷史上首次容許球隊係球衣上面加入廣告。賣波衫平均可以為球隊帶黎930萬美元既淨收入。而最特別既地方係,籃球波衫本身亦都可以當係休閒服裝咁著,對比起美式足球或者曲棍球衫黎講,籃球波衫又會多D銷路啦。

除左波衫之外,另一個好重要既部份就係贊助商啦。例如密爾沃基公鹿隊最近就起好左一個價值5.24億既球場,而呢個球場就提供左大量既贊助收入空間比呢支球隊啦,當中包括球場既冠名贊助費,高級座位既使用權等等。

而2015年既6月,NBA官方終止左同ADIDAS既長期合作關係轉為同NIKE簽左8年總值10億美元既合同,而呢筆交易比起上一份合同係節合每年增長左245%。

NBA的票務業務
可能你會覺得驚訝,現場賣飛對比起頭先既兩樣收入已經唔再係NBA既主要收入來源之一。但係咁唔代表賣飛冇咩作用。根據ESPN既數據顯示,係2018-19賽季,每場主場賽事平均入場人數都有大約15000-20000人左右,以平均每張門票100美元黎計,每場主場都可以帶黎150萬既收益。

未來的計劃
隨住NBA既知名度提高,球隊既價值增長往往都係超出左比例。雖然NBA球隊既買賣並唔頻繁,但係賣親都係會破哂紀既。係過去十年入面,一支球隊既平均售價係增長左兩倍。當然咁樣某程度上係因為有D好誇張既大交易影響左。係2014年,當時既洛杉磯快艇就以20億美元既完成左交易。

近年NBA已經超越美職棒成為美國第二受歡迎既運動,咁好大程度係因為一場棒球比賽既季後賽係需要打四個鐘而且比賽中途係不停有停頓既位置既。

而以美國本土既收視黎講,NBA既平均收視係低於4.0,作為參考既權力遊戲係有6.4,而WALKING DEAD係3.2,所以NBA係美國國內係有好大既增長空間既,而海外既增長潛力更加唔洗講啦,雖然NBA並未有公佈所有國家既轉播收入,但係單單2019年NBA同騰迅簽訂左5年價值15億美金既合同。

隨住愈黎愈大既國際吸引力,國際投資者亦都隨之而黎,係2019年阿里巴巴既 董事局副主席蔡崇信 以13.5億美元收購左籃網隊既51%股權成為大老闆。

關鍵挑戰
接住落黎NBA其實係要面對多方面既挑戰既。即使聯盟係美國同世界各地既受歡迎程度係持續增長緊,同時各支球隊既價值都係水漲船高,但係咁唔代表每支NBA球隊都係賺緊錢既,以克利夫蘭騎士為例,自從LEBRON JAMES走左之後,球隊既運營基礎上一直都係虧損既狀態,上年既球隊價值就跌左4%至12.8億美元。

雖然NBA係有一套收入共享系統去維持住各支球隊既基本收入,但係始終長貧難顧,亦都唔知要等到幾時先會再有第二個Lebron James可以拯救到一D係谷底既小城市球隊。

另一方面隨住科技既發展,市民坐係電視前面既耐性變得愈黎愈低,相信咁樣既趨勢係會持續落去,雖然NBA暫時未受到影響,但係已經開始有NBA愈黎愈悶既聲音。

而除左2020年明星賽,之前既明星賽亦都有好強烈既批評聲音。係呢到中心祝願NBA CEO SLIVER接住落黎既變革能夠趕得上潮流既步伐啦。

Credit to:
How The NBA Makes Money
https://www.investopedia.com/articles/personal-finance/071415/how-nba-makes-money.asp

如果喜歡我們的文章,請即分享到︰

標籤: NBA  Sports  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→