大帝出走，速龍豪賭一舖 精選

速龍同馬刺達成協議，將佢地主將DeMar DeRozan以及 Jakob Poeltl 再加上選秀權交易出去以換取Kawhi Leonard及Danny Green 加盟。呢舖速龍都算賭得大啦，你一定會問Leonard能攻善守，一定高DeRozan一班，點解會話速龍豪賭呢?
原因好簡單，有睇開速龍既朋友，個個都睇住DeRozan大，睇住由新人變到今時今日既全明星。佢被速龍養大，加上佢原本仲有3年約係身，而家忽然換左個岩岩大傷好返、得返一年約、而且仲口口聲聲話約滿就要過湖人既Leonard，真係福禍難料。

咁有咩驅使速龍賭咁大呢? 無他既，咪大帝出走想做東岸一哥囉，我敢講速龍應該唔會就咁收手，應該會再招攬多1-2個大排球星。結果係點?大家拭目以待啦!