個個都去勇士,唔通個個都想去勇士咩? DeMarcus Cousins點解要去勇士?

阿甜籃板球 於 03/07/2018 發表 收藏文章
首先我同你講阿媽係女人;冇錯去勇士係可以攞總冠軍,但係 Cousins去勇士其實都係迫不得已,點解呢?



(一) 受過傷的今天更傷

就以Isaiah Thomas為例,佢絕對係一個悲劇,當日係波士頓,佢為左令球隊有更多空間簽球星,自願唔續簽大合同打多一年,但係人算不如天算,佢受左傷之後比波士頓trade左去騎士,之後佢既故事大家都清楚啦,而家被人睇成過街老鼠,令人十分心酸。Cousins岩岩受完大傷,好多球隊唔多唔少都對佢既傷勢有所保留,所以Cousins就算認真搵份好d既合約都可能只係多幾百萬美金。與其係咁,不如搵少d,係勇士比人睇到佢既傷勢冇大礙,順手攞番個總冠軍先,出年咪睇下有冇其他球隊比到份大合同囉。


(二) 今年市道唔好

自從NBA supermax contracts出現之後﹐Harden, Westbrook, Stephen Curry 等等球星都相繼簽左份超大合同,令到好多球隊既薪酬空間都十分緊拙。今年有較多薪酬空間既球隊只係得幾隊,例如公牛及鷹隊等等,但係有球隊就想培育新星,亦有球隊已經有一個唔錯既中鋒,其他既就可能未必想要Cousins。

(三) NBA小球革命

自從勇士帶動小球革命取得成功之後,改變整個NBA打法。你問我DeMarcus Cousins加盟勇士之後,勇士係咪一定勁左? 未必﹐我覺得 Cousins風格去勇士未必發揮到;今朝好多朋友同我爭論,認為 Cousins能射3分,善於傳球,好岩打小球。我認為Cousins最大問題只有一樣就係「佢跑得慢、唔夠快、無速度」,所以未必跟得上勇士既節奏。

現今打中鋒太唔吃香了,我相信有好多NBA球隊都對Cousins呢類型既球員唔太prefer ;話說回來,雖然Cousins本人數據一直十分亮麗,但係佢所屬既球隊從來都係輸多嬴少。

對勇士黎講Cousins打得唔好都冇所謂架,唔岩用咪放後備,反正係廉價勞工。



如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Chan Chun Ho
    Chan Chun Ho 於 03/07/2018 評論 NO. 1

    其實勇士快攻+陣地戰兼備,Cousins出場可以搶到更多籃板,尤其係防守籃板嘅話,佢有好大可能模仿Love打法長傳俾隊友快攻,陣地戰等佢返黎就點玩都得。至於小球防守上,惟有多利用佢盡搶籃板彌補回防唔切嘅失分可能。

快捷鍵:←
快捷鍵:→