"33-8-10-24"
你能夠聯想起邊一位球星嗎？
打滾球壇19年，染指五顆冠軍指環，由一位天不怕、地不怕，浮臭未乾嘅黃毛小子，改變成一位能獨挑大旗，當全隊球員都唔得時，佢仍然用行動表示佢有無比闘志嘅前輩。曾經重創兩次，但每次用堅毅意志，以36歲嘅身體去每場挑戰年輕對手達32分鐘，得分每場超過27分（暫時係聯盟第二位！）。
開季五連敗都好，佢仍然一場又一場係觀眾面前顯示佢仍未認輸！單單呢份闘心，應該值得所有人尊重！可能有人會批評佢唔為球隊重建打算，極力爭取頂薪合約。但你愛公司，唔係減人工，而應該去更努力工作嗎～佢做緊俾大家睇佢人工唔係白攞嘅⋯⋯每場比賽都100%防守、進攻、切入、入樽。
Black Mamba係提醒我，佢防守嘅投入，小飛俠係提醒我，佢進攻嘅激情。佢嘅名字比「神戶」更有其他意思。敢相信「24」會繼「23」之後成為一個聯想詞。唔知佢仲可以係球場戰鬥到幾時，因為好怕佢一受傷就等如同NBA講再見⋯所以每場比賽佢全情戰鬥，我全情欣賞同尊重。
Kobe Bryant..Please fight as much as possible if you can. bold text
歡迎加入facebook fan page , 多謝支持!!
www.facebook.com/slamtalk
請按此登錄後留言。未成為會員? 立即註冊