總決賽2014後感《邁阿密騎士隊的悲哀》-by CK

籃team說地 於 16/06/2014 發表 收藏文章

2014年總決賽今日終於告一段落,所以恭喜馬刺奪得球會第5冠,Leonard奪得FMVP。更好的球隊理應笑到最後,實至名歸&徹底的勝利。之前做節目曾經講過,如果今年冠軍唔係熱火,我希望會係馬刺,因為我由心底尊重Tim Duncan呢位歷史第一大前鋒。

由於in grad trip既關係,今年既playoff其實只係睇咗2場半比賽,所以好多細節我都無親身見證,作為LBJ球迷,覺得略有遺憾。 但到底看了會比較開心,還是不看比較開心,我不知道,只知道今年一切都結束了。 未能夠完成3連冠,雖然很失望很遺憾,但至少我們盡力了。

Game1 的時候,本來熱火有機會先拔頭籌,然而LBJ抽筋落場,熱火最後3分鐘被徹底擊敗,而LBJ亦被世界所嘲笑,但我知道熱火有希望,第2場會反擊。 Game2比賽的時候,我在高鐵上一直用電話睇文字直播,熱火竟然真係客場擊敗強大的馬刺,當時我足足開心咗2日(呢度要代Mario對TP講一聲對唔住)。由於熱火前8場主場全勝,所以當時我對熱火好有信心,我相信只要熱火能夠偷到一場客場勝利,熱火就有機會奪冠。 然而,等到熱火回到主場比賽,情況卻好似貿然闖入敵陣被圍攻一樣,連續2場主場比賽都被馬刺打垮,倒不如每一場都打客場算了吧? 馬刺小將Leonard 擺脫前2場的低迷表現,打出了MVP的表現。 4場比賽過後,熱火已經1-3落後,此時雖然堅信Lerbon James,但心底亦已明白冠軍已經走遠。今日Game 5,一開場熱火22-6領先,我以為熱火真的復蘇,然而只是曇花一現,打了一節好比賽後,熱火又變翻前2場的熱火,沈迷個人單打,貪圖外線投射,防守過鬆,馬刺已經反先。 睇到今日熱火球員的眼神,除咗LBJ外,我已經睇唔到鬥心,我知道熱火已經輸咗,但我希望見證到最後。 最後終場鐘聲響起,雖然輸了,但也鬆一口氣了。

好多人話熱火vs 馬刺係個人籃球vs團隊籃球,其實我之前一直唔同意,因為我覺得熱火係一支以傳球主導的球隊。 但今年的總決賽令我最失望的並非熱火輸了,而是熱火徹底淪為個人球隊,總決賽彷彿變成了2007年總決賽Take 2, 邁阿密騎士隊vs聖安東尼奧馬刺隊。 第1場抽筋被嘲笑,第2場爆發拯救球隊,第3/4場苦苦追趕卻獨木難支,最後一場熱火徹底淪為LBJ one man game,首節攻下17/27, 當熱火只攻下65分的時候,LBJ 占了31分。最後一場最後6分鐘,LBJ支撐不了,也只能落場,雖然很不甘心,但只能在板凳上睇馬刺奪取最後的勝利。並非說熱火其他球員並沒有努力沒有付出,但今年的表現比起上年,似乎完全變了樣。 反觀馬刺,每場比賽都有不同球員站出來,GDP各盡其責,第4巨頭Leonard比馬刺變成自己的球隊, 角色球員Diaw, Mills等等每場輪住爆發,打到熱火防不勝防。 防守時最難受的就是當對方不斷的ball movement造成一個又一個空位, 令防守球員無力招架。馬刺將團隊籃球演繹到極致,把邁阿密騎士隊打到千瘡百孔。 最後馬刺以大比分4-1擊敗熱火,實現復仇,同時給熱火好好上了一課:團隊籃球才能贏到最後。

今年輸了,實現唔到3連冠,可能好多球迷會當笑話, 但輸比馬刺,我輸得心服口服,4年2冠,雖然不盡完美,但至少熱火展現了自己的努力。正視自己的不足,加強自己,不找藉口!!

失敗後能夠重新站起來的才是強者, 如同2011年決賽後的熱火,期待熱火下年浴火重生!! 要嘲笑的儘管笑!! We believe we will be back to the Top soon!!

留言


請按此登錄後留言。未成為會員? 立即註冊
  • lap_hei 於 16/06/2014 評論 NO. 1

    stupid dummy James, fuck the heat

  • 陳小羊 於 17/06/2014 評論 NO. 2

    加油!熱火同james都係!

快捷鍵:←
快捷鍵:→