天王山之戰

近10年NBA總決賽，不常出現Game 5 既天王山之戰，但每戰都定必成為名垂千古既一戰，那怕最終結果如下，Holiday 決勝既防守，成為左2021年天王山之戰既勝負關鍵，大戰過後，不妨回味一下過去10年一些經典既天王山之戰。

1.2011年 小牛 Vs 熱火


2011年，熱火三巨頭驚天登場，那怕小牛係西岸一路逆襲，但普遍仍然一面倒相信如日方中既三巨頭將會輕鬆奪冠，第三戰落後下，卡萊爾兵行險著，一改先發陣容，將攻力更強既Barea 拉上先發，更加看重Kidd & Marion 既防守力，終於眾志城城將系列賽重回原點。 決定性既Game 5，一路咬緊，為免夜長夢多，熱火當然希望將Game 5 既勝利帶返主場，結果兩隊難分難解鬥到一分一秒。

結果Dirk、Kidd、Terry 連環既三分終結左熱火，嬴得關鍵既天王山之戰。最後，牛仔憑住氣勢，攻陷Game 6，收獲隊史第一冠。

呢場天王山之戰，唔係Dirk 單核英雄戰，但係一場團隊既天王山之戰。

2. 2013年 馬刺 Vs 熱火


經歷過11年失敗，12成功，熱火三巨頭顯然更上一層，包括抗壓性。但經驗豐富既老江湖馬刺一開局已經準備好搶下呢場關鍵既Game 5，首戰已經好快將比分拉開，全場即使大帝攻入33分都係於時無補。馬刺仍舊靠著Balance attack，搶下天王山之戰，大有機會再次收獲一冠。
不過呢次既天王山之戰，未有最後跟住嬴家走向結局。時也命也，Bosh 既籃板，雷槍既三分令到熱火絕處逢生，就算失左天王山之戰，熱火三巨頭仍然可以帶領球隊反彈，將戰線帶到Game 7，最後大帝最後係第7場，狂轟37分，再度帶領熱火走向顛峰。

呢一年既天王山之戰並未為嬴家帶黎最後既冠軍，但無可否認都令熱火既地位再向升，畢竟雖然仲有2場主場，但失掉關鍵既一戰，要反彈過黎都唔係容易。

3. 2015年 勇士對騎士


走過熱火三巨頭，NBA總決賽舞台迎來全新既世代，不過嬴盡2015年天王山焦點既唔再係大帝，已係被認為係改變聯盟，最強既射手Curry。 頭四場難分難解後，作客既騎士憑住大帝既三分一度領先80 比 79，但結果大家都知道，Curry 火力全開，第4節轟入17分，最後7分鐘帶領球隊打出25比11既攻勢，搶下天王山之戰，更加粉碎左大帝既40分大三元數據。

搶下關鍵既一戰，勇士王朝自此展開。


天王山之戰，往往係令人津津樂道既比賽，勝方往往很大機會直取冠軍指環，更加係奠定歷史地位既關鍵。Holiday 係2021年既天王山之戰嬴下掌聲，餘下既，到底係一舉擊落太陽，定係太陽可以再次絕處逢生，成就一個更難能可貴既冠軍指環。