假如我是……杜L特
是咁的……幾日前，我宣佈出走雷霆，過檔勇士，點知消息一出，全個奧克拉河馬城上至做官嘅，下至做賊嘅都放火燒我波衫，我心諗……傻的嗎？ 佢地班友直頭想燒埋我對叮噹，搵食啫……犯法呀(黃子華mode)？ 「If you can’t beat them, join them」呢個咁顯淺嘅道理佢地都唔明，我出道至今乜獎都攞勻哂，係差個總冠軍仲未有，你班友要知道，同十足Fisherman Lok球風嘅韋二少做隊友，你哋覺得我仲會有機會攞總冠軍咩？ 有機會都比佢一支箭狗衝哂走......籃……啦......大佬！ 不怕神一般的隊友，只怕……你懂的。
我拍住「浪花兄弟」呢對後場雙槍，係，佢地有時係9射，但係人地唔似韋二少咁吓吓「大針」嘛，人地係球球3分同你「打針」咁款，你又吹得佢地漲咩…… 我係咪都係收頂薪打波，咁你話我應該揀邊隊喇！
一眾想打我嘅球迷，我只能說：「少年，你實在太年輕了！」
圖片提供：Getty images
請按此登錄後留言。未成為會員? 立即註冊