聯盟第一人係時候易位?

今日係「大帝」Lebron James 31歲生日，大多數人都認為佢近年狀態已經開始下滑不復當年勇，主要因為佢嘅打法比較多身體碰撞以及依靠身體嘅優勢，所以聯盟第一人嘅稱號亦應該易位。

佢由開季至今因為背傷已經缺席過數場比賽，情況令人擔憂，因為佢由進入NBA至今都很少受傷患影響，直至近年先開始出現問題，因此球迷都擔心佢嘅表現。另外，部分人指出佢係比賽中已經甚少出現大力入樽或「追魂火鍋」嘅鏡頭，我認為係因為佢一方面要擔起球隊得分重任，亦要兼顧組織嘅任務，所以係防守方面會比較節省體力，加上佢近年加強左三分線同低位進攻，雖然觀賞性不及入樽，但得分效率上升。參考今年嘅數據，佢平均得到25.3分6籃板7.4助攻，表現和上季相差不遠，甚至有輕微上升，和03梯其他球員相比也領先一段不少嘅距離。
騎士暫時戰績係21勝9負，雖然排名東岸第一，而且陣容完整，但Irving,Shumpert係近期復出，Love由開季至今表現令人失望，完全無法達到預期中嘅表現，所以Lebron嘅表現先係騎士有現今成績嘅主要原因，就算佢數據及不上其他人，但對球隊嘅影響力及領導能力係毋容置疑，所以聯盟第一人佢亦當之無愧。