湖人球員分析與前瞻(一) --- D’Angelo Russell

我的nba時代 於 20/05/2016 發表 收藏文章
湖人球員分析與前瞻(一) --- D’Angelo Russell

呢一個系列是以一個湖人球迷的角度去睇下,湖人而家有的球員。
第一集就講下今年榜眼新秀,D’Angelo Russell。今年新秀最佳陣容新鮮出爐,身為榜眼的佢,只係入到最佳新秀第二陣容,難免令人有D失望。首先睇返Russell今年的數據先,上場80場,有48場係正選,平均上場時間28.2分鐘,平均得分13.2,平均助攻3.3,平均籃板3.4,投籃命中率41%,三分命中率35.1%,但係每場都有2.5個失誤。以一個普通新秀來講,係一個不過不失的表現,但以一個榜眼來講難免有些失色。我覺得令人失望的地方有三個:
1.傳球
原本希望為球隊帶來的ball movement 冇預期中咁好,雖然大膽嘗試傳出一些高風險的波,稍有佳作,但係好多時都會有失誤。
2.三分波
偶爾會有爆發,但係未夠穩定,未能成為常用的武器。以下附上一段單場八球三分的片段:
3.領導力
因為偷拍事件,令到湖人更衣室氣氛低迷,不但未能將湖人球員團結更更加令到關係惡化。可以見到佢心態仲未成熟,難以領導湖人。

不過Russell有的是年輕本錢,有的是進步空間,這三個因素可以慢慢培育。我們可以看到他的傳球視野是唔差, 日後只要將經驗慢慢累積,傳球一定可以達到一定水準。三分球方面,我們睇到佢手感一來就係咁入,三分起手快,到季尾開始適應,三分命中率亦有提高,所以呢個因素亦都唔係我最擔心的一個。令我較為擔心的是他同隊友的互信關係,因為偷拍事件令到他同隊友是關係惡化,要知道人際關係同球技不同,不可能只靠訓練來建立。不過人誰無過,相信他只是年少氣盛,一時做錯,希望經過呢一次的事件令他更加成熟,成為一個更加好的球員。

除此之外,在本季中我們亦都可以看到Russell的強項和潛力:
1.高度
Russell 高6-5(~195.5cm) 是一個比較高的控球後衛,係對位當中,可以我為對手帶來的壓力,同時亦都可以提供幾個穩定的籃板。
2.手感
本季當中,我們可以看見他不時有佳作,更加拿下38分成為今季新秀最高得分紀錄。是因為他的高度配合他柔軟的手感,加上他的起手速度和拋投,其實為防守者帶來很大的麻煩,假以時日他可以訓練到穩定的手感,必定成為NBA內最強得分手之一。
附上單場38分片段

最後希望他可以為湖人攞多幾個冠軍,唔會浪費BS擺爛努力(誤~

標籤: NBA  D'Angelo Russell  Lakers  湖人  Future  

留言


請按此登錄後留言。未成為會員? 立即註冊
  • SwagBros 於 20/05/2016 評論 NO. 1

    Facebook專業:我的NBA時代 請支持

  • Justinwong 於 20/05/2016 評論 NO. 2

    如果呢年係有繼續睇Lakers比賽就會知Russell入唔到新秀第一陣絕對係因為教練。以Lakers戰術黎講,無論邊個控波都只係帶波過半場,set一兩個pick之後就打iso。咁樣打法比邊個pg控都唔會有ball movement。

    而且偷拍事件唔會令湖人球員關係惡化,只係令佢自己同隊友關係惡化。但今次佢係follow-up上面已經做得唔錯。假如佢都仲比人排(Williams),咁樣反而仲顯得其他人唔成熟。

    最後冇令nick冇咗個老婆,相信呢件事嘅影響力好快會散到。加油啦lakers:)

快捷鍵:←
快捷鍵:→