肥皂劇終結束 Jimmy Butler被交易到76人

米talk籃球 於 11/11/2018 發表 收藏文章
喺今個夏天要求被交易嘅Jimmy Bulter,終於如願以償,離開明尼蘇達木狼,前往費城76人。

交易包裹:
木狼送出:Jimmy Butler、Justin Patton
76人送出:Dario Saric、Robert Convington、Jerryd Bayless、2022年次輪選秀籤

先喺76人嘅角度出發,Jerryd Bayless 喺薪資平衡包的,本身亦唔喺76人嘅輪替名單入面,可以忽略。Dario Saric 同 Robert Covington 先係今次交易嘅主角。76人用一個受制於球隊戰術而未能完全發揮嘅全能前鋒,再加上一個功能單一嘅3D球員,再加上一個second round pick ,可以換到一個明星球員同埋一個首輸新秀,好似係賺咗,但事實又係唔係咁呢?

Covington 攻守兩方面做到嘅嘢都可以交比Butler ,Butler 甚至會做得更好,但係Saric 嘅功用,目前76人陣中係無任何一個球員可以代替。雖然Saric 嘅定位係stretch four,但佢係球場嘅發揮,遠遠超過一個stretch four,Saric 可以係Simmons 同 Embiid 狀態唔好嘅時候企出黎,運用自身有嘅傳球視野,穩住球隊嘅節奏。無咗Saric ,新加入嘅Justin Patton 又傷多過打,76人點解決呢個問題,絕對可以影響佢地今季可以行到幾遠。

至於木狼,當Jimmy Butler 公開嗌trade me 嘅時候,佢哋係無可能尋求到對等嘅交易,所以今次嘅交易木狼可以換到咁嘅籌碼,已經算係咁。Robert Covington 同 Dario Saric 已經證明過自己足夠成為正選球員,而Bayless 份合約又唔會影響未來薪金空間,再加上攞到一張二輪籤,木狼呢次嘅操作,絕對係水準之上。

最後,我想講下點解76人會喺呢個時間交易Jimmy Butler。好多人都會話,76人可以等到出年自由球場市場嘅時候先簽個明星,無需要喺季中做交易,但其實我覺得76人其實喺到做緊賭博,亦都為呢次賭博買咗個保險。76人喺呢次嘅交易入面只係送走兩個角色球員,亦都可以肯定球會會有一個明星球員。世事往往難料,上年季初有幾多人會估到Paul George 會留喺OKC,Kawhi 會有交易風波...... 所以即使76人有足夠嘅薪金空間去簽一個明星球員,亦未必一定會簽到。所以喺呢個時候交易Jimmy Butler ,除錯球隊可以肯定擁有一個明星球員,仲可以利用佢嘅吸引力去簽入另一個明星球員。
(P.S. 如果同傳聞一樣,76人會留TJ McConnell 同Jimmy Butler,佢哋喺需要清出9-10m 去簽多個明星球員)

所以,我會認為,呢筆交易喺各取所需。

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→